Абавязковае забеспячэнне плацяжу

Як разлічыць мінімальную суму забеспячэння

Мінімальная сума забеспячэння, якая ўносіцца карыстальнікам, разлічваецца ў адпаведнасці з прыведзенай ніжэй формулай:

Z = S x R x 1,3

дзе:

Z — мінімальная сума забеспячэння за дадзены транспартны сродак

S — меркаваная колькасць кіламетраў, якія транспартны сродак будзе праязджаць па нацыянальных дарог або іхніх участках, на якіх спаганяецца электронны збор, на працягу 45 дзён

R — стаўка тарыфу электроннага збору для дадзенага транспартнага сродку, устаноўленая ў распараджэнні, выдадзеным на падставе арт. 13ha ч. 6 Закона

Сума гарантыі вызначаецца колькасцю транспартных сродкаў, зарэгістраваных або рэгістрацыя якіх плануецца на разліковым рахунку, які ўваходзіць у Набор разліковых рахункаў, а таксама прагназуемага выкарыстання сеткі платных дарог транспартнымі сродкамі. Яна павінна пакрываць максімальнае выкарыстанне сеткі платных дарог на працягу 1,5 месяца (дэбет-нота за месяц + 14-дзённы тэрмін аплаты). У выпадку, калі да разліковага рахунку будуць прывязаныя дадатковыя транспартныя сродкі, карыстальнік абавязаны будзе павялічыць суму гарантыі па меры неабходнасці. Асноўны прынцып прадугледжвае, што незалежна ад колькасці транспартных сродкаў, зарэгістраваных на разліковым рахунку, сума гарантыі павінна пакрываць агульную суму платы за праезд.

Як уносіцца забеспячэнне?

Карыстальнік, зарэгістраваны ў Рэестры плацельшчыкаў электронных плацяжоў у сістэме «e-TOLL», які мае набор разліковых рахункаў з адтэрміноўкай плацяжу, абавязаны ўнесці забеспячэнне ў адной з наступных формаў:

Ikona portfel

  • грашовай
  • банкаўскай або страхавой гарантыі —  безадзыўной, безумоўнай і якая аплачваецца па першым патрабаванні
  • паручыцельства трэцяга боку

Забеспячэнне ў грашовай форме

Забеспячэнне ў грашовай форме можна ўнесці ў форме банкаўскага пераводу на названы пры рэгістрацыі ў электроннай сістэме спагнання платы «e-TOLL» нумар банкаўскага рахунку, прызначаны для ўнясення забеспячэння ў грашовай форме. У выпадку рэгістрацыі анлайн нумар рахунку для ўнясення забеспячэння будзе даступны ва Ўліковым запісе кліента (IKK), а ў выпадку рэгістрацыі ў Месцы абслугоўвання кліентаў (MАK), такі нумар будзе названы супрацоўнікам MАK. Забеспячэнне ў грашовай форме можна таксама ўнесці з дапамогай аплатнай карты (за выключэннем паліўнай карты) ды сістэмы мабільных плацяжоў (BLIK і PayByLink).

Банкаўская або страхавая гарантыя

Карыстальнік абавязаны атрымаць гарантыю і надаць яе Кіраўніку KAS з мэтай яе зацвярджэння ў наступнай форме:

  • Арыгінал гарантыі ў папяровай форме

Пры рэгістрацыі ў Рэестры плацельшчыкаў электронных збораў «e-TOLL» карыстальнік абавязаны загрузіць ва Ўліковым запісе кліента (IKK) лічбавую копію гарантыі (скан) і даслаць не пазней наступнага працоўнага дня пасля здзяйснення рэгістрацыі Кіраўніку KAS арыгінал гарантыі.

list

Арыгінал гарантыі трэба адправіць на адрас:

Ministerstwo Finansów – Krajowa Administracja Skarbowa
Departament Poboru Opłat Drogowych
Wydział Obsługi Rozliczeń i Płatności
ul. Świętokrzyska 12
00-916 Warszawa

  • Гарантыя, выдадзеная ў электроннай форме

Гарантыю, выдадзеную ў электроннай форме ды абароненую электронным кваліфікаваным подпісам, трэба пераслаць, пры пасрэдніцтве гаранта (банка або страхавой кампаніі), на адрас электроннай пошты:

Ikona znaku atgwarancje@etoll.gov.pl

Пасля надання Кіраўніку KAS арыгінала гарантыйнага дакумента (у папяровай ды электроннай формах) карыстальнік будзе паведамлены па выбраным ім пры рэгістрацыі канале сувязі (электроннай пошце, sms) аб зацвярджэнні або адхіленні пададзенага дакумента.

Да таго часу, пакуль Кіраўнік KAS не зацвердзіць атрыманага гарантыйнага дакумента, карыстальнік можа аплачваць электронны збор у рэжыме перадаплаты, адкрыўшы перад гэтым адпаведны разліковы рахунак і зарэгістраваўшы на ім транспартныя сродкі.

Ikona uwagaУВАГА

Гарантыя можа быць выдадзена на польскай ці іншай мове з даданым прысяжным перакладам такога дакумента. Гарантыйны дакумент павінен змяшчаць усе адпаведныя палажэнні, якія змяшчаюцца ва ўзоры гарантыі. У выпадку адсутнасці якіх-небудзь палажэнняў гарантыя не будзе адобрана.

Шаблоны гарантыі даступныя на ўкладцы Шаблоны дакументаў.

Паручыцельства трэцяга боку

Забеспячэнне, унесенае ў форме паручыцельства пастаўшчыка паліўнай карты, які рэгіструе карыстальніка ў сістэме «e-TOLL», не патрабуе ўнясення дадатковых забеспячэнняў.

Паручыцельства можа быць нададзена асобай, чыя здольнасць пагасіць запазычанасць у каляндарным годзе, у якім было выдадзена паручыцельства, была ацэненая на ўзроўні:

  • па меншай меры, BBB + або Baa1, прысуджанаму рэйтынгавымі агенцтвамі, пералічанымі ў распараджэнні, выдадзеным на падставе арт. 2c ч. 3 Закона ад 8 траўня 1997 г. «Аб паручыцельствах і гарантыях, якія надаюцца Дзяржаўным казначэйствам ды некаторымі юрыдычнымі асобамі» або
  • адпавядае, па меншай меры, узроўню BBB+ або Baa1, прысуджанаму міжнароднымі рэйтынгавымі агенцтвамі.

 

Тэрмін дзеяння забеспячэння

Забеспячэнне ў грашовай форме ўносіцца на неабмежаваны тэрмін, у той час як банкаўская/страхавая гарантыя або паручыцельства павінны быць выдадзены на тэрмін не менш 1 года.

Карыстальнік атрымае апавяшчэнне за 60 дзён да даты заканчэння тэрміну дзеяння гарантыі аб неабходнасці надання новай гарантыі не пазней чым за 30 дзён да даты заканчэння тэрміну яе дзеяння. Гэта не азначае, што карыстальнік быў вызвалены ад кантролю за актуальнасцю ды сумай, пададзенай у забеспячэнні, устаноўленых для Набору разліковых рахункаў.

Карыстальнік, які карыстаецца рахункам з адтэрміноўкай плацяжу, абавязаны мець дзеючае забеспячэнне ды падаўжаць яго ў выпадку неабходнасці на працягу ўсяго перыяду карыстання такім рахункам. Калі да моманту заканчэння 30 дзён да даты заканчэння тэрміну дзеяння гарантыі або паручыцельства карыстальнік не надасць арыгіналу новага дакумента забеспячэння, разліковыя рахункі з адтэрміноўкай плацяжу будуць пераведзены зборшчыкам плацяжоў у катэгорыю перадаплатных рахункаў з нулявым балансам. У такім выпадку карыстальнік будзе абавязаны выконваць і ўжываць ўмовы, якія дзейнічаюць для карыстальнікаў перадаплатных рахункаў (pre-paid). Вышэйзгаданае змяненне катэгорыі наступіць у 14:00 у апошні дзень, у якім павінна было быць нададзена новае забеспячэнне.

Ikona uwagaВАЖНА!

Карыстальнік, які ўносіць плату ў рэжыме адтэрміноўкі плацяжу, у выпадку рэгістрацыі дадатковых транспартных сродкаў у Рэестры плацельшчыкаў электроннага збору абавязаны павялічыць суму забеспячэння.

Асноўны прынцып прадугледжвае, што незалежна ад колькасці транспартных сродкаў, сума гарантыі павінна пакрываць агульную суму платы за праезд.

Калькулятар сумы забеспячэння

Мы прадставілі інструмент для хуткага падліку сумы неабходнага забеспячэння па адрасе - Калькулятар сумы забеспячэння